INICIAR SESIÓN

DINAMIZACIÓN

edlg

O Equipo de Dinamización da Lingua Galega (EDLG) do CIFP Ánxel Casal-Monte Alto ao longo deste curso tentará promover vieiros a prol do coñecemento, a valoración, o uso e o goce da lingua galega, favorecendo sempre a participación de toda a comunidade educativa.

Contacta co Equipo de dinamización da lingua galega a través do enderezo electrónico: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

 

 LETRAS GALEGAS 2021

XELA ARIAS foi unha das voces máis singulares da poesía galega contemporánea e sobresaíu tamén como editora e tradutora.
A través da exposición Asinamos ser libres podemos coñecer a súa infancia e adolescencia rebelde, os primeiros textos poéticos, a conexión da súa poesía coa cultura e a sociedade do seu tempo e o seu labor como tradutora. Tamén achegármonos á experiencia da maternidade en Darío a diario, o seu último poemario Intempériome, o seu pasamento repentino e o seu legado.
Feliz Día das Letras Galegas!
Xela.Arias.1

VOLVE O TEATRO AO NOSO CIFP!!

Con capacidade limitada e grupos reducidos desfrutaremos do discurshow Habito Terra, unha ludoconferencia na que revisaremos os nosos comportamentos colectivos e o seu impacto sobre a vida no planeta.
Ciencia e Arte Dramática únense para transmitir coñecemento de xeito atractivo, divertido e con rigor.
Esta actividade é froito da colaboración entre o Equipo de Igualdade e o Equipo de Dinamización da lingua galega.
 
HabitoTerra

A REAL ACADEMIA GALEGA RENOVA O SEU DICIONARIO EN LIÑA

A nova imaxe da web da RAG fai máis sinxelo e intuitivo o acceso aos diferentes recursos e mellora as funcionalidades do seu dicionario en liña.
A ferramenta distingue máis de 30 categorías desde adverbios, adxectivos ata conxuncións e verbos, que se poden combinar co resto de opcións de procura avanzadas.
 
rag

PROXECTAS EN GALEGO? Convocatoria aberta!

Vas redactar e defender o teu Proxecto en lingua galega?

Se é así, cando aprobes o módulo, soamente tes que enviar un correo electrónico para conseguir a entrada a un CIRCUÍTO TERMAL.

Consulta aquí as bases da convocatoria: bases.

Cartel Proxectas en galego