INICIAR SESIÓN

Emprendemento - Inicio

Dende a Coordinación de Emprendemento do CIFP Ánxel Casal- Monte Alto queremos darvos a benvida a este espazo que nace co espirito de fomentar o emprendemento entre o noso alumnado.

Neste canle de comunicación iremos informando de todo o relacionado con emprendemento:

Actividades que se desenvolvan no centro

Ligazóns a información e ferramentas de xestión empresarial

Novidades en materia de lexislación que afecte ao autoemprego

Axudas e subvencións para a creación de empresas

… En definitiva, queremos crear un espazo para difundir e promocionar a cultura emprendedora, onde apoiar e asesorar a todos aqueles alumnos que opten polo autoemprego como vía de incorporación ao mercado laboral.

Por iso, dende aquí queremos animar a todos aqueles que teñan unha idea de negocio a levala á práctica.

Benvida ao curso 2021-2022

Xa chegou o novo curso 2021/2022 e con él a Coordinación de Emprendemento do CIFP Ánxel Casal-Monte Alto, que dende a web do centro segue a fomentar o emprendemento entre o noso alumnado e promocionar a cultura emprendedora, por iso, seguiremos informando de todos aqueles aspectos que vos animen a convertiros en emprendedores/as e dar o paso cara unha aventura empresarial, poñendo a vosa idea en práctica.

Recordade que contamos cun VIVEIRO DE EMPRESAS que é un local dividido en despachos equipados con moblaxe, sala de reunións, equipamentos informáticos e os servizos precisos para levar as xestións necesarias para a posta en marcha da vosa iniciativa emprendedora. No viveiro tamén contaredes con asesoramento para o voso proxecto.

Poden acceder os/as alumnos/as que teñan un proxecto empresarial a desenvolver en Galicia, sempre que estean matriculados/as no derradeiro curso dun ciclo formativo de formación profesional, os/as que o remataran nos catro últimos anos, e tamén os/as que estean a estudar bacharelato.

O procedemento de acceso consiste en:

  • Entrevista incial coa titora do viveiro

  • Elaboración do plan de empresa

  • Se o proxecto se valora como viable, asinarase o Contrato de cesión de espazo no viveiro de empresas do CIFP, para usar de forma gratuíta as instalacións do viveiro como sede da empresa.

Poderase disfrutar das instalacións do viveiro por un prazo de 2 anos, prorrogable nalgúns casos ata 3 anos.

Para mais información, contactar coa Coordinadora de Emprendemento, a través do seguinte correo:

Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

Un saúdo

CONCURSO EDUEMPRENDE IDEA 2021

 

O pasado venres 16 de abril, a Consellería de Cultura, Educación e Universidade publicou a convocatoria do concurso eduemprende Idea 2021 dirixido ao alumnado das ensinanzas de formación profesional, deportivas ou de artes plásticas e deseño da Comunidade Autónoma de Galicia sostidas con fondos públicos.

Para máis información.

PROXECTO INICIA 2021

O pasado 24 de marzo tivo lugar no centro Ágora da Coruña a FEIRA DE IDEAS 2021 – XIII PREMIOS “FORMACIÓN PARA APRENDER”, evento no que estivo presente a Coordinación de Emprendemento do noso CIFP Ánxel Casal – Monte Alto.

O proxecto Inicia é un Programa de difusióndo espíritu emprendedorentre o alumnado de Ciclos formativos e Educación superior de centros públicos (ou privados cos que se firme convenio), mediante a titorización/mentorización dos seus proyectos empresariais, que leva a cabo o concello da Coruña.

A xornada tivo lugar ao longo do día, pola mañá levouse a cabo a exposición nos difententes stands das ideas emprendedoras, a mocidade emprendedora explicaba aos asistentens en que consistían os seus proxectos. Pola tarde, as 17:00 horas tiveron lugar uns relatorios a cargo de:

  • Clara Figueroa- Argadel Produccións (Produccións audiovisuais)

  • Adrián García -7 varas ( Bicicletas de bambú)

  • Emma Velo – Margen Estudio Creativo (Branding)

    Os tres relatores contaron a súa experiencia emprendedora.

    Ao rematar as charlas, ás 18:30 horas chegou o momento da entrega de premios. Os gañadores foron os seguintes proxectos:

  • ✔  1º premio: Emove (Venta y alquiler de VMP 100% eléctricos, servicio de mantenimiento, reparación y personalización) CPR Afundación

  • ✔  2º premio: Natexga (Moda sostenible y vegana, elaboración de ropa a partir de fibras y materiales totalmente naturales y autóctonos) CPR Nebrija

  • ✔  3º premio: Persyca (Produccion de videoxogos e aplicacións para dispositivos móviles, empresa de caracter social, enfocada a persoas con discapacidades físicas. CIFP Imaxe e son.

161830177214416183017721601618490602588

PROGRAMA ACTÚA 2021 - CHARLA EMPRENDEDORES

Outro curso máis, nesta segunda avaluación participamos no Programa Actúa, que se desenvolvíu no marco do Plan Eduemprende, dentro dun ámbito de colaboración entre a Consellería de Cultura, Educación e Universidade e o Instituto Galego de Promoción Económica (IGAPE) en resposta á importancia da cultura emprendedora no desenvolvemento persoal e profesional da xente nova para a mellora da competitividade e da empregabilidade.

O obxectivo deste programa é achegar a realidade emprendedora ao alumnado dos centros educativos coa presenza activa de persoal técnico do IGAPE e dunha/s persoa/s emprendedora/s que dean a coñecer ao alumnado a súa experiencia persoal, como ferramenta que lle permita afianzar o espírito emprendedor e a iniciativa empresarial a partir de aptitudes como a creatividade, a iniciativa, o traballo en equipo, a confianza nun mesmo e o sentido crítico. Tamén se pretende pór en valor o traballo desenvolvido polo profesorado e o alumnado na aula. Neste caso os alumnos/as participantes foron os dos ciclos superiores de Animación Sociocultural e Turística e de Educación Infantil.

A actividade constou de dúas fases:

− Fase 1: A actividade emprendedora como unha alternativa laboral para o alumnado. Participación de persoal técnico do IGAPE e presentación dunha persoaemprendedora.

− Fase 2: Análise na aula entre o profesorado e o alumnado participante na actividade para obter conclusións.

Este curso volvimos a contar por parte do IGAPE, coa Consultora Promove, que xa estivo connosco o pasado curso 19/20. Agora por mor da pandemia, a participación da súa representante, María Traveso Lago, foi on line e resultou moi interesante ao alumnado.

Tamén repetimos coa figura do emprendedor elexido dende a Coordinación de Emprendemento do instituto: Abel Caballero Campos, que foi alumno do noso centro, onde cursou o ciclo superior de Animación Sociocultural e que fundou a empresa “Abeloni” adicada a xestión de eventos de ocio. A súa participación, coma a outra vez, foi un éxito, atrapou a atención dos asistentes dende o primeiro momento, cunha exposición axil, fresca e divertida contou a súa experiencia como emprendedor dende os seus comezos, con todos os problemas que atopou, como a visita a diferentes entidades bancarias, o papeleo, etc. Ata os problemas xurdidos a raíz do Covid e como afectou ao seu negocio. Deixou claro que na vida hai que loitar polos sonos e que os emprendedores deben saber adaptarse aos cambios e afrontalos con optimismo.

Por último, abríuse unha ronda de preguntas e respostas por parte dos relatores e destacou a alta participación do alumnado, facendo moitas preguntas e comentarios.