INICIAR SESIÓN

Emprendemento - Inicio

Dende a Coordinación de Emprendemento do CIFP Ánxel Casal- Monte Alto queremos darvos a benvida a este espazo que nace co espirito de fomentar o emprendemento entre o noso alumnado.

Neste canle de comunicación iremos informando de todo o relacionado con emprendemento:

Actividades que se desenvolvan no centro

Ligazóns a información e ferramentas de xestión empresarial

Novidades en materia de lexislación que afecte ao autoemprego

Axudas e subvencións para a creación de empresas

… En definitiva, queremos crear un espazo para difundir e promocionar a cultura emprendedora, onde apoiar e asesorar a todos aqueles alumnos que opten polo autoemprego como vía de incorporación ao mercado laboral.

Por iso, dende aquí queremos animar a todos aqueles que teñan unha idea de negocio a levala á práctica.

FP INNOVA

fp innova

 

A Consellería de Educación, Universidade e Formación Profesional organiza FP Innova Galicia 2019, Congreso de Innovación na Formación Profesional, que terá lugar entre os días 8 e 10 de Maio na Cidade da Cultura de Galicia. Trátase da cuarta edición dun evento que se constitúe como referente na difusión da innovación didáctica e tecnolóxica, da transferencia de coñecemento e da capacidade de emprender na que está imnersa a formación profesional galega.

O noso instituto participa cun proxecto de innovación: “Próteses dentais seguindo a moda. Elaboración de próteses coas novas tecnoloxías”. A coordiandora é a profesora Eva Mª Fuertes Dopico. Participaron os alumnos de 1º e 2º do CS Próteses Dentais

Ademáis no apartado de miniempresa tamén participamos co proxecto “Grillzs Design SLS”, de elaboración profesional de Grillzs. Trátase dun produto decorativo temporal que se coloca sobre as pezas dentais. É un tipo de xoiería elaborada con metais como ouro, prata, pratino ou aleacións coma cromo-cobalto. O proxecto foi elaborado polos alumnos de 2º do ciclo superior de Próteses Dentais, coordinado pola profesora Paula Díaz Carballada.

Esperámosvos en FP Innova 2019. Animádevos a vir!!

CONCURSO EDUEMPRENDE IDEA 2019

CONCURSO EDUEMPRENDE IDEA 2019

Publicada a Orde do 21 de febreiro de 2019 (DOG 11 de marzo de 2019) pola que se convoca o concurso Eduemprende Idea 2019, dirixido ao alumnado das ensinanzas de formación profesional, deportivas ou de artes plásticas e deseño da Comunidade Autónoma de Galicia sostidas con fondos públicos.
 
Comprende dúas modalidades:
-A: ciclos de grao superior
-B: ciclos de grao medioA participación terá que ser en grupo, formado por un mínimo de dous/dúas alumnos/as e un máximo de catro.

O prazo de presentación de solicitudes finalizará o día .

Pódese ampliar a información na seguinte ligazón: http://www.edu.xunta.es/fp/eduemprende-idea

Prégase que difundades esta convocatoria entre o alumnado do centro.

PROGRAMA DE EMPRENDEMENTO FUNDACIÓN REPSOL DEMODAY – ENTREGA DE PREMIOS

PROGRAMA DE EMPRENDEMIENTO FUNDACIÓN REPSOL DEMODAY – ENTREGA DE PREMIOS

Fai uns días tivo lugar nas instalacións da refinería REPSOL, a exposición de proxectos e entrega de premios da segunda edición do programa Emprendemento en FP na Coruña. Este programa ten como obxectivo fomentar a cultura emprendedora e mellorar a empleabilidad dos estudantes de Formación Profesional.

Dos once equipos participantes, dous estaban formados por alumnado do noso centro, dos ciclos de 2º Próteses Dentais, 2º de Laboratorio, 2º Anatomía Patolóxica e 2º de Saúde Ambiental. Os outros centros educativos coruñeses foron IES A Sardiñeira; IES Fernando Wirtz Suárez; CPR Afundación A Coruña; IES Urbano Lugris; CIFP Someso; IES Ramón Menéndez Pidal-Zalaeta; CPR Cruz Vermella Española e IES Calvo Sotelo.

Os proxectos comezaron en setembro con “ideas que cambian o mundo”, segundo palabras do presentador, Iván Dobarro.

O director de Repsol, Javier Sancho, agradeceu o labor de todos os presentes, ao mesmo tempo que resaltaba a aposta que fixeron sempre pola FP. Pola súa banda, a consultora da Fundación Repsol, Natalia Álvarez, espera que ?as ferramentas que vos demos axúdenvos no voso futuro profesional?.

E aínda que o noso alumnado traballou duramente nos seus proxetos (unha app para o coidado da saúde gastrointestinal e unha boa nutrición e un sistema de aluguer de carritos e cadeiras de nenos nas estacións, aeroportos, hoteis, etc. para non ter que viaxar con eles) non tivemos sorte e os dous proxectos premiados foron:

Co primeiro premio: “Fungal Biomaterials”, formado por alumnado dos centros IES Fernando Wirtz e IES A Sardiñeira. Consistía no desenvolvemento dun novo material textil creado a partir dun hongo

Co segundo premio: “Bguard”, formado por alumnado dos centros IESFernando Wirtz, IES A Sardiñeira e CIFP Someso, neste caso tratábase dun dispositivo de seguridade con cámara para alertar aos ciclistas da proximidade dun vehículo na estrada.

Por parte da Consellería de Educación, Universidade e Formación Profesional estiveron presentes a Conselleira: Carmen Pomar Toxo, quen pechou o acto dirixíndose a todos os participantes e incluíndo a todos os proxectos no seu discurso final de forma áxil, directa e próxima; o Xefe Territorial: Indalecio Cabana; a Subdirectora Xeral de F.P.: M.ª Eugenia Pérez; a Xefa de Servizo de Orientación Profesional: Ana Alzate e a asesora de Emprendimiento: Isabel Raña.

Imaxes da xornada

Imaxes da xornada 2

Foto de Ana

PROXECTO DE EMPRENDEMENTO – FUNDACIÓN REPSOL TALLERES DE XANEIRO

Despois dun pequeno descanso en decembro, este mes volvemos a participar nas actividades de emprendemento da Fundación REPSOL con tres talleres nos que se abordaron temas diversos:

TALLER 6: FINANZAS PARA EMPRENDEDORES

Impartiuse no IES Urbano Lugrís o día 15 de Xaneiro. O experto foi Marcos Paz e os obxectivos que se perseguiron foron:

  • Modelo de ingresos-gastos.

  • Fluxo de caixa, balance, conta de resultados.

  • Financiamento para startups.

TALLER 7: MARKETING E MARCA

Impartiuse no IES Menéndez Pidal - Zalaeta o día 16 de Xaneiro. O experto foi Roberto Pérez e os obxectivos que se perseguiron foron:

  • Como venderte a ti mesmo e ao teu proxecto

  • Ferramentas para logralo

  • A importancia do marketing e a marca

TALLER 8: PRESENTAR O TEU PROXETO

Impartiuse no CIFP Someso o día 17 de Xaneiro. A experta foi Olga Casal e os obxectivos que se perseguiron foron:

  • Como falar en público e ao público

  • Ferramentas para logralo.

  • A importancia de contar historias.

Ademais os pasados mércores 23 e xoves 24 leváronse a cabo no noso centro as reunións dos diferentes grupos con seus asesores veteranos, a súa experiencia no mundo empresarial está sendo unha fonte de información e formación moi valiosa.

Imaxes dos talleres